![](https://sportski.mk/wp-content/uploads/2019/08/liverpool-850x491.jpg)
Ливерпул минатата среда без поголеми проблеми, со подмладен состав гостуваше кај МК Донс во 1/16 финалето од англискиот Лига куп (Карабао куп).
Во тој натпревар Црвените славеа и изборија пласман во осмина финалето каде ќе ги одмери силите со Арсенал.
Лига Нации: Се освен прво место ќе биде катастрофа за Македонија! ↓↓↓
Меѓутоа, набрзо после натпреварот се појавија шпекулации дека Ливерпул би можел да биде исфрлен од натпреварувањето. Имено, ЕФЛ покрена истрага бидејќи за Ливепрул настапи 22-годишниот Шпанец, Педро Чиривела иако ја немаше потребната дозвола.
Поточно, Чиривела не ја добил меѓународната дозвола за настап, откако се врати од позајмица, но Јирген Клоп го стави во игра против МК Донс.
Истрагата во ЕФЛ е завршена, а Ливерпул сепак нема да биде исфрлен од Лига купот.
Имено, одлучено е Црвените да бидат казнети парично и тоа во износ од 200.000 фунти.