Легендата тврди: Де Геа е единствен играч од светска класа во Јунајтед

Бившиот фудбалер на Манчестер Јунајтед, а сега телевизиски коментатор Гери Невил тврди дека сега единствен фудбалер од светска класа кој го имаат „црвените ѓаволи“ е голманот Де Геа.

Иако во Манчестер Јунајтед има многу фудбалери кои би можеле да го понесат епитетот „светска класа“, Гери Невил смета дека таков калибар е само Де Геа.

„Де Геа е единствениот играч од светска класа во Јунајтед. Можеби тоа може да биде и Алексис Санчез, но се уште не е вклопен во Јунајтед. Во овој момент единствен играч од светска класа е Де Геа. Единствен кој во Јунајтед се снаоѓа добро, а не е светска класа, е Антонио Валенсија. Навистина е неверојатен“, смета Гери Невил.

„Најголем проблем за Мурињо е како Лукаку, Рашфорд, Марсијал и Санчез да ги постави во нападот и да најде комбинација која ќе функционира. Моментално е големо прашање кој игра по десната страна? Ни Марсијал, ни Санчез не се идеални за таа позиција“, заклучи Невил.