Леви прифатил богата понуда за Кејн, но самиот играч одбил

Се уште останува непознато каде ќе игра Хари Кејн во сезоната 2023/24. Тој одбива да го продолжи договорот со Тотенхем, па клубот реши да го продаде летово.

За одличниот англиски напаѓач веќе извесно време постои голем интерес од европските гиганти, а во моментов најмногу се заинтересирани Баерн и ПСЖ.

Според последните информации, сопственикот на Тотенхем, Даниел Леви ја прифатил понудата од Париз, но Кејн летово одбил да замине во Франција.

ПСЖ е подготвен да jа плати бараната сума за Кејн, кој би бил замена за Килијан Мбапе, но очигледно Англичанецот е спремен само да замине во Баерн.

Денеска двајца претставници на Баерн, чии претходни две понуди за играчот беа одбиени, доаѓаат во Лондон на преговори со Леви.