Леброн му одговори на Ибра: Чудно е Златан да го зборува тоа

Златан Ибрахимовиќ го искритикива неговиот омилен кошаркар Леброн Џејмс дека премногу се меша и коментира политика.

Ибрахимовиќ го советуваше Леброн да го прави тоа што најмногу го знае и да не се меша во политика.

„Чудно е што Златан зборува такви работи бидејќи тој е истото момче кои зборуваше дека во Шведска доживуваше исти работи. Бидејќи неговото презиме не е вообичаено во Шведска па таму чувствуваше расизам кога беше на теренот“.

„Никогаш нема да престанам да критикувам нешто ако мислам дека е погрешно. Им зборувам на моите луѓе за расизмот, за социјалната неправда, системското гласање, притисоците за време на гласањето како и работите кои се случуваат во заедницата во која јас сум дел од неа. Гледам голем број деца во мојата заедница на кои им е потребен глас и јас сум тој глас“, истакна Леброн.