Куп: Вардар се врати од 0:2 против Шкендија и во Тетово ќе гостува со реми

Вардар и Шкендија денес го одиграа осминафиналето од Купот на Македонија, на крјаот натпреварот заврши без победник 2:2.

Иако „црвено-црните“ имаа негатива од 0:2 сепак можат да жалат затоа што во Тетово одат со нерешен резултат. Во првиот дел Вардар создаде голем број шанси, но голот Беким Реџепи правеше чуда на голот на Шкендија.

Тетовци ги казнија неискористените шанси на Вардар и постигнаа два гола. Меѓутоа помеѓу двата гола кај Шкендија заработи исклучување Гледи Мици.

Предноста на Шкендија беше актуелна се до 72-та минута кога Бојан Колевски го врати Вардар во игра. Десет минути подоцна Тошевски го проигра Жуниор кој погодува за 2:2. Само неколку минути подоцна Адем имаше одлична прилика, но не ја реализираше. Во финишот кај Вардар беше исклучен Дарко Мицевски.