Куман: Не гледам подобар тим од Барселона, играчите како Меси, Нејмар и Роналдо треба да се заштитени

Tренерот на Барселона, Роналд Куман верува дека нема многу тимови кои се подобри од неговиот.

Првиот меч од осминафиналето помеѓу Барселона и ПСЖ се игра во вторник на „Ноу Камп“.

„Возбудени сме поради Лигата на шампионите. Не чека двомечот со ПСЖ кој е силен тим. Ние напредувавме, но тие имаа навистина силен карактер. Сигурно дека ќе се обидат да доминираат и да постигнат гол на гости. За нас е важно да го сочуваме својот гол“.

„Не гледам дека другите тимови се подобри од Барселона. Имаме одличен тим, момците играат на високо ниво и можеме да победиме било кого“.

ПСЖ во овој натпревар ќе биде без Нејмар кој е повреден.

„Играчите како Нејмар, Меси и Роналдо треба да бидат заштитени. Тие ни овозможуваат да уживаме во оваа игра“, порача стратегот на Барселона.