Крај на „кошмарот“ за италијанскиот напаѓач: Не ги прекршил допинг правилата

Италијанскиот напаѓач, Џузепе Роси одлично помина.

Откако беше позитивен на недозволени супстанци после натпреварот помеѓу Џенова и Беневенто на 12 мај оваа година Џузепе Роси стравуваше од казна.

Џенова не сакаше да ја обнови соработката со напаѓачот, а причина беше токму заканата од суспензија.

Сепак, на крајот тој избегна казна.

„Денес кошмарот кој траеше четири месеци е завршен. Сега сакам само да размислувам на фудбалот и да продолжам да го работам она што го сакам повеќе од било што друго“, изјави Џузепе Роси.

Роси беше позитивен на Дорзоламид и може да се пронајде во лековите против глауком, но исто така се користи како средство кое ви помага тестовите да ви бидат негативни.