Крај на една ера: Бускетс после 15 години ја напушта Барселона

Како што стојат работите Серхио Бускетс на крајот на сезоната ќе ја напушти Барселона и воопшто нема да преговара за нов договор.

Најавите се дека Бускетс кариерата ќе ја продолжи во Интер Мајами. Овие информации ги тврди каталонскиот „Спорт“.

„Капитенот на Барселона, Серхио Бускетс на крајот од сезоната ќе ја прифати понудата од Интер Мајами и ќе се пресели во САД. Тој е подготвен за нова авантура на 34 години. Има мала можност Чави да го убеди да остане уште една сезона, но ќе биде многу тешко да ја промени одлуката“, објави „Спорт“.

За Барселона Бускетс дебитираше во 2008 година и со овој клуб освои 30 трофеи. Бускетс е и третиот најтрофеен играч на Каталонците после Меси (35 трофеи) и Андрес Иниста (32) трофеи.

Дресот на Барселона го носеше на 684 натпревари во кои постигна 18 гола и подели 43 асистенции.