Кој ќе шутира доколку ПСЖ добие пенал против Баерн? – Еве го одговорот на Емери кој ништо не одлучи!

Тренерот на ПСЖ, Унаи Емери конечно одговори на прашањето поврзано со изведувањето на пенали во неговиот тим, но дали оваа негова изјава би можела да внесе дополнителни проблеми?

Кавани и Нејмар според француските медиуми биле на работ на физичка пресметка, а до овој момент Кавани не му дозволуваше на Нејмар да изведе удар од белата точка.

Во француските медиуми како што кажавме многу се пишуваше за овој нивен конфликт, а новинарите пред вечерашниот натпревар од Лигата на шампионите, помеѓу ПСЖ и Баерн го запршаа Емери кој ќе биде идниот изведувач на пеналите, а тој даде политички одговор.

„Многу фудбалери во нашиот тим се способни да изведуваат пенали, многумина и сакаат тоа да го прават. Кавани и Нејмар се спремни, ќе има многу пенали и ќе ги изведуваат двајцата. Разговарав со нив и им соопштив како треба да се одвиваат работите“, изјави Емери.

Да потсетиме, ПСЖ вечерва на свој терен го игра дербито на колото во Лигата на шампионите против тимот на Баерн Минхен и веројатно неутралните фудбалски фанови, посакуваат пенал за ПСЖ со што би ја виделе реакцијата на двете големи ѕвезди.