Конте и Мурињо се сложуваат за една работа – Јувентус!

Имаа многу несогласувања оваа сезона, беа во судири, но околу една работа се сложуваат.

И Антонио Конте и Жозе Мурињо го очекуваа исходот на „Вембли“ каде што Јувентус го елиминираше англиски Тотенхем.

„Знаев дека Јувентус ќе го елиминира Тотенхем, тие имаат стил и не се откажуваат од него кога постигнаа гол мислам дека на сите им беше јасно дека ќе поминат. Тоа е нешто кое е карактеристика на најдобрите, играат на резултат“, изјави Мурињо.

Поранешниот менаџер на Јувентус, Антонио Конте смета дека помеѓу Челзи и Јувентус не можат да се прават споредби.

„Тоа е неспоредливо. Вие зборувате за тим кој има огромно искуство и способност да победува кога не му оди. Тоа се играчи кои играа финале во Лигата на шампионите, некои од нив освоија се, тоа искуство е најважно и во второто полувреме сите можевме да го забележиме“, зборуваше Конте за својот поранешен клуб.