Кога и каде ќе се игра УС Опен?

Пред неколку дена, американската тениска асоцијација објави дека УС Опен ќе се игра нормално, кон крајот на август и почетокот на септември во Њујорк.

Сепак, директорот на федерацијата, Мајкл Даус вчера изјави дека една од опциите е да се премести турнирот во Индијана Велс во ноември.

„Оваа опција ја имаме на располагање ако работите со коронавирусот не се подобрат. Се е подобро од откажување“, изјави Даус.

Гренд слем турнирот УС Опен е предвидено да започне со квалификации на 24 август, а со оглед на тоа што Њујорк е жариште на коронавирус, сигурно е дека ќе се игра без гледачи.