Клоп: Не знам што се случуваше оваа недела, како некоја вештерка да ни дојде

Tренерот на Ливерпул, Јирген Клоп се пожали дека неговиот тим се соочил со проблеми пред натпреварот против Кристал Палас.

Во почетниот состав на Ливерпул имаше дури четири промени, место добија Нејт Филипс, Харви Елиот, Џејмс Милнер и Дарвин Нуњез. Отпаднаа: Џоел Матип, Џордан Хендерсон, Тиаго Алкантара и Роберто Фирмино.

Засилувањето Нуњез нема да биде во комбинација за следниот натпревар во кој Ливерпул ќе игра против Манчестер Јунајтед затоа што вчера заработи црвен картон.

„Ова беше луда недела. Сме се соочувале со проблеми во минатото, но ова беше како некоја вештерка да ни дојде на гости. Секој ден некој се повлекуваше поради повреда, не знам што се случуваше“, се пожали германскиот стратег.