Каталонците ги дочекаа своите пет минути – Рамос доби порака!

За Серхио Рамос првиот натпревар против Барселона по враќањето во Шпанија во дресот на Севиља не помина добро.

Рамос беше трагичар бидејќи во вчерашниот натпревар си го постигна автоголот со кој Барселона победи со 1:0.

Секако, дека поради минатото на Рамос во дресот на Реал Мадрид ова беше дочекано со големо задоволство во Каталонија. Денес каталонскиот „Спорт“ ги дочека своите „пет минути“, па му се заблагодари на Рамос за придонесот во победата на Барселона.

Дресот на најголемиот ривал на Барселона, Реал Мадрид, Рамос го носеше цели 16 години.