Какви се шансите Дибала да игра на Мундијалот во Катар?

Aргентинската репрезентација Светското првенство во Катар го дочекува како едни од фаворитите за трофејот, а селекторот Лионел Скалони сигурно сака да ги има на располагање најдобрите фудбалери.

Паоло Дибала кој одлично ја започна сезоната во Рома сигурно дека се очекуваше да биде еден од поважните играчи во аргентинската репрезентација, но потоа дојде повредата и шансите да настапи во Катар се мали.

Ова го потврди и селекторот Скалони.

„Само тие што можат да бидат спремни за првиот натпревар ќе играат во Катар. Дибала ќе го чекаме до последен момент и тогаш ќе го објавам списокот“, изјави Скалони.

Дибала ќе биде во трка со времето да се опорави, но очигледно дека засега е поблиску да не настапи отколку да настапи на Мундијалот.