Италијанците тврдат: Напнато било во Јувентус по поразот од Беневенто, паднале „тешки зборови“

Јувентус има тешка сезона која до некаде може да ја спаси само со освојувањето на купот.

„Старата дама“ доживеа елиминација од Порто во Лигата на шампионите, а во Серија А мисијата за одбрана на Скудетото изгледа како тешка мисија.

Нова шлаканица за Јувентус беше вчерашниот пораз од Беневенто. По овој пораз тренерот Пирло се наоѓа на ударот на јавноста, а медиумите пишуваат за проблеми во соблекувалната.

Голем дел од италијанските медиуми објавија дека претседателот Андреа Ањели влегол во соблекувалната после поразот од Беневенто и имал жестока дискусија со Пирло и играчите, наводно паднале „тешки зборови“.

Навивачите бараа одговори за лошите резултати. Некој мора да застане пред клубот и да даде извештај.