Интер негира: Не сме контактирале никого, Де Бур останува!

Изминатите денови медиумите во Италија пишуваа дека тренерот на Интер, Франк де Бур е пред отказ и лецитираа со неколку имиња како можни наследници.

Се појавија информации дури дека „нероаѕурите“ започнале преговори со Лоран Блан и Леонардо, но денес спортскиот директор Пјер Аусилио го демантираше тоа.

„Не сме контактирале ниту еден тренер, задоволни сме со Де Бур и тој останува наш тренер. Поминуваме низ тежок период, погрешивме на два-три натпревари, но Де Бур има одлична филозофија и ние сме задоволни од неговата работа“, истакна Аусилио.

Довербата кон Де Бур денес ја потврдија и сопствениците на клубот како и претседателот Ерик Тохир.