Инаки Вилијамс вчера потсети на култиот погодок на Алесандре Пато!

Фудбалерите на Атлетик Билбао ја победија Севиља со 2:0 на домашен терен во рамките од 19-тото коло од шпанското првенство.

Херој на натпреварот беше Инаки Вилијамс кој го прекина тригодишниот пост без погодок на „Сан Мамеш“. 24 годишниот напаѓач ја сруши Севиља иако тие имаа блага улога на фаворит пред почетокот на натпреварот.

Посебно импресивен беше вториот погодок на Вилијамс во 83-тата минута. Напаѓачот на домаќините ја прими топката на цетарот и тргна кон голот на Севиља. Вилијамс покажа неверојата брзина по што мирно поентираше.

Овој погодок на Вилијамс неодоливо потсетува на погодокот на Алесандро Пато за Милан на „Камп Ноу“ против Барселона во Лигата на шампионите на 13-ти септември 2011 година.