Изненадување во плеј-офот: Бундеслигата на чекор да добие нов член!

Фудбалерите на Форчн од Дизелдорф славеа со убедливи 3:0 на гостувањето кај Бохум во првиот натпревар од финалето на плејофот за Бундеслигата и така речиси го обезбедија пласманот во елитниот ранг од германскиот фудбал.

Плеј-офот за Бундеслигата традиционално го игра тимот што ќе заврши на 16-тото место во Бундеслигата против третопласираниот тим во во втората лига на германскиот фудбал, а најчесто тимот што настапува во Бундеслигата завршува со победа во плеј офот.

Сега како што стојат работите тоа нема да биде случај бидејќи Фортуна Дизелдроф оствари импресивна победа од 3:0.

Автоголот на Филип Хофман ги доведе гостите во водство во 13. минута, а потоа Феликс Клаус и Јаник Енгелхард ја потврдија големата победа на Фортуна. Така во реваншот тешко е да се очекува дека Бохум може да дојде до некаков пресврт.

Инаку, Дармштад и Келн веќе испаднаа од Бундеслигата, додека во елитата место обезбедија Ст. Паули и Холштајн Кил.