Ивица Олиќ се врати во хрватската репрезентација!

Легендарниот хрватски напаѓач Ивица Олиќ се врати во хрватската репрезентација и ќе биде дел од стручниот штаб на селекторот Златко Далиќ, потврдија хрватските медиуми.

Олиќ има повеќе од 100 настапи за хрватската репрезентација и сигурно ќе му биде од голема корист на селекторот Делиќ.

„За мене е чест повторно да бидам дел од хрватскиот национален тим, иако овој пат во поинаква улога. Верувам дека можам да помогнам да ја постигнеме целта, а тоа е пласман во финалето на Светското првенство во Русија“, изјави легендарниот напаѓач.

Хрватска ќе игра против Грција во ноември во плеј-офот за пласман на Мундијалот 2018.