Зидан доби одлични вести пред Леванте и ПСЖ

Реал Мадрид овој викенд во рамките од 4-тото коло во Ла Лига ќе игра против Леванте на „Сантијаго Бернабеу“.

Екипата на Зинедин Зидан во последните два натпревари запиша два нерешени резултати, па победата е императива, а стратегот на Реал сега доби добри вести.

Имено, Еден Азар и Хамес Родригез го одработиле денешниот тренинг со остатокот од тимот и ќе бидат на располагање на Французинот за натпреварот против Леванте.

Двајцата играчи беа повредени, иако Азар доби повик за репрезентативните обврски, сепак беше брзо пуштен назад и не играше за Белгија, додека Родригез цело време остана во Мадрид.

Реал има уште неколку повредени играчи, Брахим Диаз одработи некои вежби со првиот тим пред да премине на индивидуалните тренинзи.

Од друга страна Марко Асенсио и Иско продолжија со истата постапка на опоравување.

Наредната недела Реал игра натпревар во Лигата на шампионите против ПСЖ и сигурно дека враќањето на Азар и Родригез многу значи за Французинот.