„Земјотрес“ на Апенините: Донарума се сели во најголемиот ривал на Милан

Иднината на Џанлуиџи Донарума е главна тема на Апенините, а тамошните медиуми пренесуваат дека младиот голман може да го напушти Милан.

Како што е познато, неговиот договор истекува на крајот на сезоната, а двете страни никако не можат да најдат заеднички јазик за продолжување на соработката.

Агентот Мино Раиола ја одбил последната понуда на „росонерите“ од 8 милиони евра и бара 10 милиони евра плус бонуси и провизија за посредување за него како агент.

Таквите услови не се прифатливи за Милан, но се прифатливи за Јувентус, кој е спремен да го задроволи финансиските барања на Донарума и неговиот агент.

Доколку се реализира овој трансфер тоа сигурно ќе биде големо предавство бидејќи Јувентус е најголем ривал на „росонерите“.

Донарума потекнува од младинската школа на Милан, каде дебитираше за првиот тим на свои 16 години.