Засилувањето на ПСЖ од 80 милиони евра: Крварев и повраќав 20 дена, ослабев осум килограми…

Фудбалерот на Пари Сен Жермен, Гонсало Рамош за првпат откри дека се соочил со здравствени проблеми во декември.

Како што ракажа Рамош тој ослабел дури осум килограми, а 20 дена крварел и повраќал.

Минатото лето тој пристигна во Пари Сен Жермен од Бенфика на позајмица со цел да се заобиколи финансискиот фер-плеј и по неколк месеци стигна информација дека ќе биде откупен на лето за 80 милиони евра.

Сепак, не доби многу шанса за игра и се шпекулираше дека ПСЖ може да го продаде, но зад сцената напаѓачот се соочувал со сериозни проблеми.

„Поминав низ тежок период во декември. Започна со вирус, а потоа дојде до инфекција на дебелото црево. Цели 20 дена крварев и повраќав, тешко ми беше да јадам, имав грозница и висока температура. Во болница завршив пет пати, ослабев осум килограми“, изјави Рамош.