Дома Фудбал Англија Започнува Премиер лигата: Кој ќе дојде до трофејот, а кој до Лигата на Шампиони?

Започнува Премиер лигата: Кој ќе дојде до трофејот, а кој до Лигата на Шампиони?

Минатата сезона имавме одлична трка за титулата, театар во битката за опстанок и неверојатна борба за европски места – сето тоа се реши последниот ден. Овој пат, во сезоната е вклучен и невидено досега зимско Светско првенство – во најмала рака, нема да се чувствувате виновни што ќе ја поминувате секоја секунда прилепени за вашиот телевизор и дека го пропуштате сето тоа прекрасно топло време надвор. Затоа, сезонава подгответе се за домашен маратон како ниеден друг

1.Манчестер Сити

Манчестер Сити кој постигна 99 гола на патот до четвртата титула во пет години, повторно е фаворит за трофејот. Пеп Гвардиола го додаде норвешкиот бог на головите Ерлинг Халанд и тука веќе се е јасно. Тој е веќе докажан и беше еден од најпосакуваните напаѓачи во светскиот фудбал.

Англискиот играч за врска Калвин Филипс исто така е идеална замена за Фернандињо, додека Џек Грилиш конечно се очекува да блесне. Сите најави се дека ќе биде подобар сезонава под водство на Пеп Гвардиола.

Гвардиола се збогуваше со клучните компоненти на нивните успеси во имињата на Рахим Стерлинг, Габриел Жесус и Олександар Зинченко, но Сити не изгледа послаб од минатата сезона.

2. Ливерпул

Во меѓувреме, Ливерпул го донесе Дарвин Нунез за да го замени Садио Мане и туке се чини е единствената разлика од оној тим на Клоп од минатата сезона. Дарвин е неверојатен играч кој зад себе има одлични бројки во екипата на Бенфика каде минатата сезона на 28 меча, даде 26 голови.

Тешко е да се очекува дека нападот ќе функционира исто и без Мане, но се чини дека Клоп не можеше да донесе подобар играч од Дарвин во овој момент како замена за сенегалецот.

Внимавајте на Фабио Карваљо кој мислам дека да има влијание – тој е сериозен талент кој одигра одлично во Фулам минатата сезона. Мислам дека Ливерпул може до рофејот сезонава, иако ќе има една крајно тешка задача.

3. Тотенхем

Ги разбирам големите очекувања за Спарс оваа сезона, бидејќи тие сега се во рацете на еден од најголемите светски тренери – Антонио Конте, кој ќе даде и ќе бара победнички менталитет што му недостигаше на овој клуб.

Конте, исто така, го убеди претседателот Даниел Леви дека договорите најдобро се прават рано во предсезоната, така што клучните засилувања во тимот се веќе некое време заедно.

Ричарлисон кој за 60 милиони фунти дојде од Евертон, му дава друга димензија на тимот и додадена длабочина на веќе одличниот напад, додека Ив Бисума беше извонреден во Брајтон во средниот ред минатата сезона. Хрватскиот интернационалец Иван Перишиќ ќе донесе искуство, квалитет и разноврсност.

Во секој поглед, Тотенхем е посилен од минатата сезона кога заврши на 4-то место во лигата.

4. Челзи

Никогаш не е досадно во Челзи, но поинаков тип на турбуленции се одвиваа ова лето со новиот сопственик во Тод Боли. Менаџерот на Челзи, Томас Тухел изрази различни нивоа на незадоволство, но ова е клуб во кој се чини дека ќе има стабилност откако ќе започне сезоната.

Доаѓањето на Рахим Стерлинг од Манчестер Сити ја покажува моќта на Челзи, додека Калиду Кулибали долго време се сметаше за еден од најдобрите бекови во светот. Од него ќе се очекува да пополни дел од празнината што ја остави заминувањето на влијателниот Антонио Рудигер во Реал Мадрид.

Едно е јасно, никогаш не го отпишувајте Челзи од висок пласман.

5. Арсенал

Арсенал и менаџерот Микел Артета беа фрустрирани поради тоа што не обезбедија пласман во Лигата на шампионите минатата сезона, но затоа завршија одлична работа за време на летниот трансфер период и многу веројатно е дека ќе има уште засилувања.

Ги гледам Арсенал во Топ 4 сезонава, особено по доаѓањето на напаѓачот на Манчестер Сити, Габриел Жесус – редок случај договорот да биде добар за сите страни – како и доаѓањето на неговиот тимски колега Олександр Зинченко кој додаде не само квалитет, туку и искуство. Фабио Виеира, кој дојде од Порто за 34 милиони фунти, ја зголемува силата на средниот ред.

Ова е голема сезона за Артета, но тој има целосна доверба од бордот на Арсенал и тие не попусто вложија толку пари за шпанецот да изгради тим по свој мерак.

6. Манчестер Јунајтед

Целосно хорор шоу се случуваше минатата сезона во Јунајтед. Отказ доби Оле Гунар Солскјаер, а Ралф Рангник немаше никакво влијание пред конечното назначување на тренерот на Ајакс, Ерик тен Хаг.

На целиот клуб му треба рестартирање и секој што очекува чуда од Тен Хег треба да биде реален дека ќе треба време во средување на тимот.

Желбата на Кристијано Роналдо да си замине ја отежнува претсезоната додека Тен Хег оди со она што го знае. Потпиша дефанзивецот Лисандро Мартинез и тој заедно со навидум бескрајната потера на Френки де Јонг се најголемите новитети засега. Кристијан Ериксен ќе обезбеди квалитет во средниот ред, но тешко е да се каже како тој ќе игра заедно со Бруно Фернандеш?

На Тен Хег му треба поголема моќ во нападот, а исто така ќе се надева дека Хари Мегваер и Маркус Рашфорд ќе ја оживеат својата стара форма и дека Џејдон Санчо може да покаже зошто бил проценет на 73 милиони фунти.

Коментари
Прочитајте поврзани статии
Load More In Англија

Проверете

Тухел: Конте е одличен стратег, но не му верувам

Во недела се игра првото дерби во Премиер лигата, Челзи ќе го пречека Тотенхем. Ривалите о…