Започнале преговорите за продажба на Интер

Кинеските газди на Интер, групацијата „Сунинг“ на семејството Жанг започнала преговори за продажба на Интер за сума од 900 милиони евра.

Компанијата „Сунинг“ има 68.55% од акциите на Интер, додека „Лион Рок Гроуп“ групацијата од Хонг Конг исто така има акции во клубот. Според информациите кинеската корпорација започнала преговори за продажба на миланскиот гигант на инвеститори од „БЦ Партнерс“.

Меѓутоа не се само Британците заинтересирани за интер, се преговарало и со инвестициската банка „Голдман Сакс“, како и со уште две компании.

„Сунинг“ го купи Интер за 270 милиони евра во 2016 година и во клубот инвестираше повеќе од 400 милиони евра.