Запален „алармот“ во Барса: Ова е загрижувачки, не смееме да дозволиме вакви порази!

Барселона вчера беше поразена на гостувањето кај Гранада со 2:0 и тоа е најлошиот старт на каталонскиот клуб од 1994 година во Примера.

Барселона е седмопласирана на табелата со две победи, два порази и едно реми, па се запали „алармот“ на „Камп Ноу“.

„Ова е пораз кој загрижува, мораме добро да работиме на многу работи. Мораме да погледнеме околу себе и да направиме напредок. Кога почнавме со примениот гол во првите минути, тоа направи целата ситуација да биде комплицирана и не бевме доволно решителни“, вели Суарез.

„Играме многу лошо на гостувањата. Играчите се тие кои губат или победуваат на терен, но и јас чувствувам одговорност за ова што се случи. Не заслуживме да победиме“, изјави Ернесто Валверде.