Жиру: Ќе му ја расипеме вечерта на Меси

Францускиот напаѓач Оливие Жиру истакна дека ќе се потрудат да му ја расипат вечерта на Лионел Меси, кој во недела ќе се обиде да стигне до првата титула на Мундијалите.

Многу неутрални фанови во финалето ќе навиваат за Аргентина токму поради Меси, на кого ова му е последна шанса да го освои најпрестижниот пехар.

Жиру истакна дека Франција ќе се обиде да го одбрани трофејот, а со тоа и да му ја расипе ноќта на Аргентинецот.

„Меси е неверојатен фудбалер, меѓутоа ние ќе се потрудиме да му ја расипеме вечерта“, вели Жиру.