Жезус се извини на Динамо за “контроверзниот“ гол

Дуелот од 6. коло во групната фаза во ЛШ помеѓу Динамо Загреб и Манчестер Сити му припадна на гостинскиот тим.

На Динамо му беше потребна победа за да ја обезбеди Европската пролет, но Манчестер Сити се покажа како пресилен и без некои од нивните најголеми sвезди, на крајот славеа од високи 4-1.

Трите гола беа дело на фантастичниот Габриел Жезус, а Загрепчани му замерија за првиот, кој го постигнаа во моменти додека двајца фудбалери на Динамо лежеа на теренот.

Иако се покажа дека нема ништо спорно, по натпреварот Жезус му се извини на Динамо.

„Не ги видов играчите дека лежат на теренот бидејќи бев завртен со грб. Сакам да им се извинам поради тоа што не ги видов.“ – изјави напаѓачот на Граѓаните после натпреварот.

Освен Жезус, мрежата на Динамо во убедливиот триумф на Сити беше затресена и од Фоден.