Е.Пелистер убедливо поразен од Магдебург и во вториот натпревар

Tимот на Е.Пелистер ги заврши настапите во Европската лига откако денес битолскиот тим беше поразен и на вториот натпревар од Магдебург.

После победата на Магдебург од 24:32 во Битола пелистерци денес претрпеа нов висок пораз, овој пат од 35:24. За разлика од првиот натпревар во овој Е.Пелистер добро отвори и имаше неизвесност во првите 15 минути. Меѓутоа потоа како што одминуваше времето Магдебург го покажуваше својот квалитет и го зголемуваше водството.

Најефикасни кај Е.Пелистер беа Мандалиниќ со седум гола и Маџовски со пет.

Ќе потсетиме Битолчани во овој натпревар на Магдебург му се спротиставија без тренерот Жељко Бабиќ кој поради коронавирус е во карантин во Битола.