Елмас пред средбата со Велковски: Му кажав дека ќе ги победиме

Денес Наполи ќе гостува кај Ријека во рамките од третото коло во Лигата на Европа, а овој дуел ќе биде и средба на македонските репрезентативци Елиф Елмас и Дарко Велковски.

Елмас пред овој натпревар зборуваше со Џенаро Гатузо на прес-конференцијата. Како што порача тој е спремен и едвај чека да се најде на теренот, откри и дека имал разговор со Велковски.

„Одлично се чувстуввам и спремен сум да настапам. Поминаа десет дена во кои немав никакви спорткси активностим бев во изолација сега сум подготовен да помогнам на тимот. Се слушнав со Велковски со кого играм во репрезентацијата и му порачав дека ќе ги победиме“, изјави Елмас.

Ријека и Наполи играат во терминот од 18:55 часот.