Еден од најдобрите играчи на Аталанта се повредил на базен и нема да игра вечерва

Eден од најдобрите играчи на Аталанта Луис Муриел ќе го пропушти вечерашниот натпревар против Бреша поради несреќен случај.

Медиумите во Италија објавија дека Муриел случајно паднал од работ на базенот и си ја удрил главата, во таа ситуација тој доживеал повреда и исекотина.

Сепак, се верува дека повредата не е од сериозен карактер. Но и покрај тоа Колумбиецот бил пренесен во болница за да му се укаже помош, па ќе го пропушти вечерашниот натпревар против Бреша.

Муриел во моментот на падот на базенот бил со неколку свои соиграчи.

Ќе потсетиме, Аталанта е во фантастична форма и после девет победи во низа минатото коло одиграа 2:2 против Јувентус кој се спаси со гол од пенал во финишот.