Египет потфрли во организацијата: Ракометарите се возеа четири часа за тренинг од 50 минути!

Многу репрезтации се пожалија на лошата организација на СП од страна на Египет, а дека е така почуствува и нашата репрезентација.

Имено, за нашите ракометари утрово да одработат тренинг од 50 минути мораа да се возат вкупно четири часа! Тоа секако дополнително малтретирање и проблем за избраниците на Брестовац.

На сето тоа проблем е и што во хотелот каде што се сметени репрезентативците не е затворен само за ракометарите туку има и други „обични“ гости, што во време на пандемија со коронавирус може да биде проблем.

Скандалозно може да се нарече и тоа што кога вчера играше домаќинот Египет на трибините имаше околу стотина гледачи иако натпреварите треба да се играат без гледачи. Ова секако не засега и нас затоа што Египет е во нашата група и со нив ќе играме во сабота.