Дуел на титаните: Што се случило кога Ибра и Гатузо се степале на тренинг?

Бразилецот Робињо за бразилските медиуми откри интересна анегдота од времето додека играше во Милан, заедно со Гатузо и Ибрахимовиќ.

Робињо откри како на еден од тренинзите се степалете Гатузо и Златан, а откри и кој излегол како победник на крајот.

Но, тоа не било инцидент. Ибра и Гатузо не се скарале, туку како добри пријатели договориле „ферска“ борба.

„Да, тоа е вистина. Бевме во тренинг центарот на Милан кога Златан и Гатузо одлучија да се тепаат на тренингот, нормално под пријателски околности. Од една страна стоеше крволочен борец кој нема совладано одредени боречки вештини, а од друга страна Ибра кој има црн појас“, објаснува Робињо.

„И кој победи? Златан! Тој секогаш победува“, изјави Робињо кој моментално игра во Атлетико Минеиро.