Ди Франческо е минато – Рома започна преговори со нов тренер

На Рома оваа сезона, особено во Серија А не и оди како што се надеваа на Олимпико, а нетрпеливите сопственици изгледа дека повеќе не можат да го чекаат Ди Франческо да ги склопи коцките.

Рома имаше многу промени во текот на летото, пристигнаа голем број на нови играчи, а изгледа дека наскоро би можела да го промени и тренерот. Според пишувањето на италијанската „Panorama“, претседателот и мнозинските сопственици на клубот разговарале за да започнат преговори со Антонио Конте, кој е без ангажман уште од отказот во Челзи.

Поранешниот селектор на Италија се поврзуваше и со Милан, но за сега Рома изгледа како најреална нова дестинација за харизматичниот италијански стратег. Сепак, Конте наводно сака да размисли за оваа одлука, бидејќи се уште е во тек и неговата правна битка со Челзи поради отказот. Исто така, се шпекулира дека Конте и понатаму чека да се отвори место на клупата на некој од европските гиганти како што се ПСЖ или Манчестер Јунајтед.

Како и да е, самиот факт дека Рома започна преговори со Конте доволно говори за тоа колку столчето на Ди Франческо во Рома е не сигурно.