Ди Марија бесен на селекторот: Ако сум јас стар, зошто се повикани Меси и Агуеро?

Селекторот на Аргентина, Лионел Скалони, за претстојниот циклус квалификации за СП 2022 не го повика Анхел ди Марија.

Образложението за тоа е дека следува смена на генерации, и едноставно тој е веќе стар за да го носи националниот дрес.

Тоа многу го налути Ди Марија, па одлучи јавно да упати критики и негодување за таквата одкука.

„Немам логично објаснување, без зборови сум. За мене, аргентинската репрезентација е најважна. Во ПСЖ давам максимум со цел да играм за националниот тим и тешко ми е да разберам зошто не сум повикан. Ќе продолжам да се борам. Многумина мислат дека сум стар, но имам само 32 години, уште можам да трчам како порано“.

„Ако не ме повикале поради возраста, зошто ги повикаа Меси, Отаменди, Агуеро? Сите тие играат на високо ниво и беа повикани, а јас не“, изјави Ди Марија.