Дибала се повредил изведувајќи пенал, ќе го пропушти Мундијалот

Ѕвездата на Рома, Паоло Дибала во победата против Лече постигна гол од пенал, но при изведувањето на пенал Аргентинецот се повредил.

Како што потврди и тренерот на Рома, Жозе Мурињо, Дибала поради таа заработена повреда најверојатно ќе го пропушти Мундијалот во Катар кој стартува на 20. ноември.

„Повредата на Паоло изгледа навистина лошо. Искрено ќе речев само лошо, но кога разговарав со него дознав дека е многу лошо“, изјави Мурињо.

Денес се очекуваат деталните прегледи после кои ќе биде и конечно познато колку ќе паузира фудбалерот на Рома.

„Моето мислење е дека нема да се врати до крајот на годината. Многу е разочаран“, истакна Мурињо.