Де Роси започна тренерска кариера, ќе му биде помошник на Манчини

Легендата на Рома и италијанскиот фудбал, Даниеле де Роси и официјално започна тренерска кариера.

 Даниеле Де Роси во 2020 година стави крај на играчката кариера, а сега започна тренерска кариера. Тој ќе му биде помошник на Роберто Манчини во италијанската репрезентација.

„Горд сум на тоа што ќе почнам тренерска кариера, а особено горд што тоа ќе биде со националната репрезентација, им се заблагодарувам на претседателот Габриеле Гравина, како и селекторот Роберто Манчини за довербата која ми ја укажаа.  За мене ова значи како да се враќам во својот дом, да соработувам со моите поранешни колеги и пријатели во стручниот штаб, едвај чекам да почнам со обврските“, изјави Де Роси.