Во изминатата ноќ беа одиграни неколку интересни натпревари во НБА лигата.
Лејкерси предводени од најголемите ѕвезди Леброн и Дејвис кои комбинирано уфрлија 70 поени го победија Портланд со 113:136. Неизвесност имаше само во првата чтвртина кога двата тима неколу пати го менуваа водството. Сепак, од втората четвртина се одеше на страна на Лејкерси.
Вака се слави гол во 120-та минута!!! ↓↓↓
Веќе на пловината на втората четвртина Лејкерси се приближја на плус 20 поени, а својата предност ја чуваа до самиот крај и ја однесоа победата. Ентони Дејвис беше најефикасен во победничкиот тим со 39 поени, а додаде и девет скокови. Леброн застана на 31 поен, седум скокови и осум асистенција.
Кај Блејзерси најефикасен беше Демиан Лилард со 29 поени. 17 поени и 10 скокови додаде Вајтсајд, додека Симонс, Меколум и Кармело Ентони постигнаа по 15 поени.
Интересно во натпреварот помеѓу Оклахома и Минесота во кој победија домаќините, но дури после продолженија. Резултатот на крајот гласеше 139:127. На нешто повеќе од една секунда до крајот Стивен Адамс испрати пас преку цел терен до Шордер кој со звукот на сиреата положи за 122:122 и така се избори за продолженија. Домаќините во продолженијата беа многу подобри и на крајот славеа победа.
Победничката екипа ја предводеше Крис Пол со рекорд на сезоната од 30 поени. Одличен настап одиграи Гилгос-Александер кој уфрли 29 поени. Шордер додаде 25, Стивен Адамс 22 (и 11 скокови), а Галинари 21 поен.
Кај Минесота најефикасен беше Џеф Тагуе со 32 поени.
Милвоки на свој терен беше подобар од Клиперси СО 119:91. Јанис Антетокумпо на својот роденден уфрли 27 поени и собра 11 скокови.
Треба да се истакне конечно одличниот настап на Никола Јокиќ за Денвер кај Бостон (108:95). Иако не успеа да и помогне на својата екипа да го избегне поразот, Јокиќ уфрли 30 поени и запиша 10 скока.
НБА резултати:
Шарлот – Бруклин 104:11
Кливленд – Орландо 87:93
Пистонс – Пејсерс 108:95
Чикаго – Голден Стејт 98:100
Мајами – Вашингтон 112:103
Оклахома – Минесота 139:127
Милвоки – Клиперси 119:91
Сан Антонио – Сакраменто 105:104
Портланд – Лејкерси 113:136