Дома Фудбал Дејвид Мојс после шест години се враќа во Евертон?

Дејвид Мојс после шест години се враќа во Евертон?

Евертон доживеа убедлив пораз во градското дерби против Ливерпул, а синоќа челниците на клубот одлучија да му врачат отказ на тренерот Марко Силва.

Карамелите се во многу лоша форма оваа сезона бидејќи се на 18-то место по 15 одиграни кола. По низата лоши резултати, челниците на клубот од „Гудисон парк“ решија дека е време за промена и му се заблагодарија на Марко Силва за соработката.

Евертон летово потроши многу пари на засилувања, но англискиот клуб едноставно не игра како што се очекуваше. Тимот ќе биде привремено воден од Данкан Фергусон, но англиските медиуми веќе пишуваат дека се знае кој ќе биде новиот тренер на Еветон.

Мојс го водеше Евертон од 2002. до 2013. година и по шест години може да се врати во клубот. Овој 56-годишен стручњак е без работа откако беше отпуштен од Вест Хем летото 2018. година.

Коментари
Прочитајте поврзани статии
Load More In Фудбал

Проверете

Биографијата на Панчев доби место меѓу подароците за Ренџерс

Горан Кипријановски ја подари книгата за Дарко Панчев при посетата на „Иброкс“. Во Ренџерс…