Денот кога Роналдо по асистенција на Озил ја реши Барса среде „Ноу Камп“ и уникатно прослави (ВИДЕО)

Сите добро знаат каков период имаше Кристиано Роналдо во Реал Марид, Португалецот четири пати беше шампион на Европа со „кралевите“, а три пати во низа нешто што не му успеало на никој друг.

Меѓутоа она што на Реал не му одеше баш од рака во периодот додека Роналдо го носеше белиот дрес е Ла Лига. Сепак, исклучок беа сезоните 2011/2012 и 2016/2017 кога стигнаа до титулите.

Пред осум години на денешден ден во сезоната во која Реал стигна до титулата со сто бодови Роналдо ја „реши“ Барса на „Камп Ноу“. Барселона фаќаше залет и со победата во овој натпревар ќе се вратеше во трката.

Реал поведе уште во 17. Минуа преку Кедира, Алексис Санчез изедначи во 72. минута, а Роналдо само една минута подоцна на асистенција на Озил ја смести топката во мрежата и уникатно го прослави голот.