Дома Фудбал Англија Денес се игра натпреварот кој носи повеќе пари од финалето во Лигата на шампионите

Денес се игра натпреварот кој носи повеќе пари од финалето во Лигата на шампионите

0

Од 16:00 часот на „Вембли“ денес ќе истрчаат фудбалерите на Астон Вила и Дерби Каунти во финалето од плејофот за влез во Чемпионшип. Победникот од овој натпревар ќе биде побогат за 200 милиони евра и ќе се пласира во Премиер лигата.

Астон Вила минатата година играше финале и изгуби од Фулам, а Дерби кој од клупата го води Френк Лампард „брка“ враќање во најсилната англиска лига после 11 години.

Се проценува дека победникот ако ја преживее првата сезона во Премиер лигата 2020 година ќе биде побогат за скоро 400 милиони евра од ТВ правата и останатите приходи.

Финалето во Чемпионшип финансиски е повредно од Лигата на шампионите. Тотенхем и Ливерпул на 1-ви јуни во Мадрид ќе играат за осум милиони евра, колку што е разликата во заработката помеѓу освојувачот и поразениот во финалето.

„Ова не е обичен натпревар и сите се свесни поради тоа“, порача тренерот на Вила Дин Смит.

„Ќе им кажам на играчите да уживаат во натпреварот. Вредноста на натпреварот е нешто на што не можам да влијаам. Играв финалиња и големи натпоревари во кои не уживав. Не сакам на моите играчи да им се случи истото“, порача легендарниот Лампард.

Вила – Дерби оваа сезона 7:0.

Оваа сезона Астон Вила со 3:0 и 4:0 славеше против Дерби, клуб кој го победи шест пати во последните девет натпревари. И додека меѓусебните натпревари против Дерби на Вила и одат во прилог, не им оди тоа што досега изгубиле пет од шест натпревари кои се играле на „Вембли“.

Ќе потсетиме, претходно место во Чемпионшип обезбедија Норвич и Шефилд.

Коментари
Advertisements
Прочитајте поврзани статии
Load More In Англија

Проверете

Тимот на годината веќе познат: Реал има четири претставници?

ФИФА денес во Милано ќе организира церемонија за доделување на наградата за најдобар играч…