Денвер се врати со серија 24:0, Јокиќ блиску до трипл-дабл, Бостон им се врати на победите (ВИДЕО)

Изминатата вечер во НБА лигата се одиграа девет натпревари.

Денвер славеше против Орландо Меџик со 113:104. Екипата на Мајк Мелоун ја запиша четвртата победа во низа, 18. оваа сезона и се наоѓа на четвртото место на Западот. Орландо го претрпе вториот пораз во низа, петти во последните шест натпревари и сега е осми на Истокот.

После рамноправната борба на почетокот. Меџик во втората четвртина целосно го надигра ривалот и на полувреме водеше со 60:45. Имаше Орландо и +19 на почетокот на третата четвртна. Сепак, од тој момент Денвер заигра подобро и со серија од 24:0 стигна до предност. Од таа серија Орландо не успеа да се опорави до крајот на натпреварот.

Никола Јокиќ беше блиску до трипл-дабл со учинок од 18 поени, 12 асистенции и 9 скокови. Џамал Мареј беше најефикасен во победничкиот тим со 33 поени и пет скокови. На другата страна најдобар беше Никола Вучевиќ со 20 поени, 7 скокови и 5 асистенции.

Бостон ја прекина низата од два порази победувајќи го на гости Далас Маверикс со 103:109.

Маверикси имаа предност скоро цел натпревар, дури кон крајот на третата четвртина Бостон успеа да направи пресврт. Во последната четвртина Селтикси брзо ја зголемија предноста и во еден момент имаа и +12, па рутински го приведоа натпреварот до крајот.

Кемба Вокер беше најдобар во победничкиот тим со 32 поени, 5 скока и 3 асистенции, Џејлин Браун уфрли 26, а имаше и 9 скока, додека Џејсон Татум застана на 24 поени и 8 скокови. Кај Далас најдобар беше Кристап Порзингис со 23 поени и 3 асистенции, Сет Кари уфрли 20 поени. Бобан Марјановиќ и Лука Дончиќ не играа поради повреди. За Дончиќ ќе потсетиме оваа календарска година веројатно е завршена.

НБА резултати:

Кливленд – Шарлот 100:98

Деторит – Торонто 99:112

Филаделфија – Мајами 104:108

Вашингтон – Чикаго 109:110 (после продолженија)

Минесота – Њу Орлеанс 99:107

Оклахома – Мемфис 126:122

Денвер – Орландо 113:104

Далас – Бостон 103:109

Портланд – Голден Стејт 122:112