Дали утре е последен натпревар и за Ангеловски на клупата?

Стефан Даскалов за Спортски од Амстердам

Македонија утре го игра натпреварот со Холандија, а со тој натпревар завршува и договорот на селекторот Игор Ангеловски.

Ангеловски на денешната прес-конференција не сакаше да зборува многу за тоа дали истиот ќе биде продолжен.

„Договорот мој со фудбалската федерација завршува и сакам да кажам големо благодарам до најдобриот фудбалер кој го имала, Македонија, Горан Пандев и до сите момци. Сите знаеме каде бевме и до каде стигнавме, резултатите доволно зборуваат. Натпреварот ќе го одработиме максимално професионално, за повеќе не би сакал да зборувам“.

На оваа прес-конференција, Пандев потврди дека дуелот со Холандија ќе биде последен во неговата репрезентативна кариера.

Натпреварот со Холандија се игра утре од 18:00 часот на „Јохан Кројф Арената“.