![](https://sportski.mk/wp-content/uploads/2024/03/Screenshot-2024-03-30-102525-850x491.jpg)
Додека фокусот на фудбалската јавност беше насочен кон репрезентативните натпревари, треба да се спомене и ситуацијата на Лестер од Чемпионшип.
Овој тим доживеа изненадувачко испаѓање од Премиер лигата минатата година, станувајќи веројатно тимот со најмногу ѕвезди што испаднал во последните години.
Лига Нации: Се освен прво место ќе биде катастрофа за Македонија! ↓↓↓
Исполнет со играчи кои чинат десетици милиони евра, тимот на Лестер се пресели во понизок ранг и се очекуваше брзо враќање бидејќи дури девет од 10-те најплатени играчи во Чемпионшип моментално се членови на Лестер.
Leicester City drop to third in the Championship and are currently out of the automatic promotion places to the Premier League.
— #3Sports (@3SportsGh) March 29, 2024
The Foxes have an obligation to buy Fatawu Issahaku for €17 million if he plays 60% of games and they gain promotion.#3Sports pic.twitter.com/huLO2D639F
Сè одеше во таа насока со месеци. Пред само 12 недели Лестер имаше неверојатни плус 17 во однос на местата кои не се испаѓаат. Се чинеше дека се е готово и дека Лестер треба само да ја приведе сезоната кон крајот.
Но, три месеци подоцна, состојбата на табелата е следна: Лестер повеќе не е прв или втор, туку падна на третото место во Чемпионшип.
Популарните „Лисици“ сега се зад екипите на Ипсвич и Лидс, по вчерашните резултати. Лестер беше поразен од Бристол Сити, а Ипсвич и Лидс ги прескокнаа.
Потсетуваме, промоција од Чемпионшип во Премиер лигата обезбедуваат двете првопласирани екипи, додека позициите од третата до шестата играат бараж.