Дома Фудбал Репрезентации Дали знаете кога последен пат Италија НЕ играше на еден Мундијал…

Дали знаете кога последен пат Италија НЕ играше на еден Мундијал…

0
italy

Репрезентацијата на Италија повторно игра бараж за Светското првенство, тоа се случи и во 1998 година, а овој пат тие беа поразени од Шведска во првиот натпревар, нивна елиминација секако би се сметала за огромно изненадување.

Светското првенство едноставно тешко може да се замисли без репрезентацијата која четири пати го освојуваше, но на „Аѕурите“ овој пат сигурно нема да им биде лесно, посебно после првиот натпревар во кој беа поразени со 1:0 и не покажаа добра игра.

„Аѕурите“ во својата историја пропуштиле два Мундијали и тоа оној првиот во 193о година во Уругвај, на кој едноставно не сакаа да учествуваат. Веројатно сметаа дека ова натпреварување не може да добие голема популарност.

Потоа следуваа две шампионски титули, па втората светска војна и занемарливи учества во 1950 и 1954 година на кои беа освоени седмото и десетото место, а дека 50-те години и дефинитивно беа за заборав се покажа и во 1958 кога не се квалификуваа на завршницата во Шведска.

Меѓутоа се вратија само четири години подоцна и од тогаш не пропуштија ниту едно Светско првенство.

Сега, Италија во реваншот влегува со негатива од 1:0, а дали после 59 години повторно еден Мундијал ќе помине без една од најголемите фудбалски сили во светот ќе дознаеме по реваншот кој Италијанците го играат на домашен терен.

Прочитајте поврзани статии
Повеќе S. D.
Load More In Репрезентации

Проверете

По цела деценија, во Шведска повеќе епитетот НАЈДОБАР не го носи Златан Ибрахимовиќ

Се прости од репрезентацијата, а се прости и од наградата која полна деценија љубоморно ја…