Гросо повторно ќе биде тренер во Италија

Екипата на Сасуоло сезонава испадна од друштвото на најдобрите во Серија А и наредната сезона ќе игра во второлигашка конкуренција. Поради тоа во тимот ќе следат промени, а се започна од тренерската поазиција.

Нов тренер на Сасуоло е Фабио Гросо. Последниот ангажман Италијанецот го имаше во Лион каде што се задржа само седум натпревари, а во нив имаше и инцидент во дербито со Марсеј кога малку фалеше да го загуби окото. Во Сасуоло доаѓа на местото на Давиде Балардини.

Кариерата Гросо ја започна во младинските категории на Јувентус каде што беше и играч. Првата самојстојна тренерска работа му беше во сезоната 2017/2018 во Бари.

Од останатите клубови беше уште тренер во Верона, Бреша, Сион и Фросиноне.