Гризман за односот со Меси: Ти му испраќаш диња, а тој ја претвора во кавијар!

Напаѓачот на Барселона и француската репрезентација, Антоан Гризман одново зборуваше за односот со Лионел Меси.

Медиумите често пати знаат да пишуваат за односот помеѓу Французинот и Аргентинецот, одново дека помеѓу нив постои одредена тензија, но досеган ниту Меси, ниту Гризман не кажал такво нешто.

„Нашиот однос е навистина добар. Одлично се согласуваме. Понекогаш знаеме да си пишуваме пораки, на тренинг многу комуницираме. Со Меси воопшто не е тешко да играш, вие му испраќате диња, а тој ја претвора во кавијар! Тоа е најдобриот опис, немаме притисок да мораме точно да му додадеме“, изјави Гризман.