Го остави зад себе Паоло Малдини: Буфон денес испиша историја во Серија А

Џанлуиџи Буфон денес и официјално е фудбалерот со најмногу настапи во Серија А.

Голманот на Јувентус се најде во стартниот состав на Јувентус за градското дерби против Торино и тоа за него е 648 настап во најсилната италијанска конкуренција.

Со ова Буфон го остави зад себе Паоло Малдини кој кариерата ја заврши со 647 настапи во Серија А. Трет на оваа листа е Франческо Тоти со 619 настапи, па следи легендата на Интер Хавиер Занети со 615 настапи.

Буфон веројатно својата предност дополнително ќе ја зголеми затоа што пред неколку дена го продолжи договорот со Јувентус.