Големиот Бордо исфрлен во трета лига!

Поради финансиски неправилности славниот Бордо е исфрлен во третиот ранг на францвускиот фудбал.

Бордо е шесткратен шампион на Франција, но денес клубот е далеку од тие славни денови. Минатиот месев клубот испадна во втората лига откако беше последен во Лига 1. Покрај слабите резултати имаа и долг од околу 40 милиони евра.

Со тој долг Бордо не успеа да го убеди француското надзорно тело дека ќе биде во можност да ги исполни своите финансиски обврски. Од минатата година Бордо е во сопственост на Џерард Лопез кој сега најави жалба на ваквата одлука.

Покрај шесте титули во првенството, Бордо освои и четири трофеи во Купот. Овој период за клубот е веројатно и најтешкиот од нивното постоење…