Голема промена во почетниот состав на Милан за дербито против Рома

Милан вечерва ќе гостува кај Рома на Олимпико, а тренерот Стефано Пиоли наводно одлучил да направи една неочекувана промена.

После силните критики, Пиоли одлучил капитенот на Милан, Ромањоли да го остави на клупата, па стоперскиот тандем ќе го сочинуваат Кјаер и Томори, кој неодамна пристигна од Челси.

Ромањоли имаше неколку лоши натпревари, особено против Специја и Интер, па ќе оди на “одмор“.

Пиоли вчера застана во одбрана на Ромањоли велејќи дека грешките се составен дел од животот, но ден подоцна одлучи да го казни и да го седне на клупата.