Голгетерското чудо Халанд сруши рекорд на Дрогба

Фудбалерите на Салзбург вчера беа поразени на свој терен од Наполи во рамките од третото коло во групната фаза од Лигата на шампионите.

Наполи однесе победа со 2:3, а двата гола за домаќините беа дело на момчето кое во последно време ја воодушевува фудбалска Европа, Ерлинг Халанд.

Халанд со своите два гола стигна до бројката од шест гола во Лигата на шампионите и така го сруши рекордот на легендарниот Дидиер Дрогба.

Дрогба до вчера беше единствениот играч кој успеал да постигне пет гола во првите три кола во Лигата на шампионите во својата прва сезона, сега Халанд успеа да постигне и еден повеќе со што постави нов рекорд.